Azərbaycan Respublikası Prezidenti cənab İlham Əliyev  23 dekabr 2015-ci il tarixdə  “Azərbaycan Respublikasında qeyri-infeksion xəstəliklərlə mübarizəyə dair 2015-2020-ci illər üçün  Strategiya”nın təsdiq edilməsi  haqqında 1645 nömrəli  Sərəncam imzalamışdır. Həmin  Strategiyanın  9.2.1 bəndində sağlamlıq naminə əhali üçün fiziki aktivliyə dair maarifləndirici materillar hazırlanaraq təşviq edilməsi nəzərdə tutulmuşdur.Bununla bağlı olaraq Xocalı Rayon İcra Hakimiyyətinin, Xocalı rayon Gənclər və İdman İdarəsinin əməkdaşları və könüllü gənclər tərəfindən sağlamlıq naminə fiziki aktivliyə dair hazırlanmış maarifləndirici materiallar  əhaliyə təqdim olunmuş və maarifləndirici söhbətlər aparılmışdır. Qeyd edək ki, gənclərin asudə vaxtının səmərəli təşkili və zərərli vərdişlərdən kənar durmaq məqsədilə xocalıların kompakt şəkildə müvəqqəti məskunlaşdıqları Goranboy rayonunun Aşağı Ağcakənd qəsəbəsində fəaliyyət göstərən Xocalı şəhər 4 saylı tam orta məktəbin həyətində futbol meydançası salınmış, Goranboy rayonu ərazisində salınmış Yeni yaşayış massivində "Xocalı Cudo Klubu"nun, Goranboy şəhərində "Fitnes Klub"nun, Pirşağıdakı "Xocalı İdman Klubu"nun fəaliyyətinə dəstək göstərilmişdir. Qəsəbələrdə gənclərin asudə vaxtının səmərəli təşkili məqsədilə parklar salınmışdır. Gələcəkdə bu yönümdə işlərin aparılması üçün müzakirələr aparılmışdır.